پاتــــوق تنهـــایی
خـــــــوش اومــــــــدی دوســـــت مـــــــنپاتــــوق تنهـــایی
خـــــــوش اومــــــــدی دوســـــت مـــــــن
ماموستا " هه ژار"
Ghobadi:
ھەوساری بە دەس خۆتە خراپە و چاکە
ھۆی خۆیەتی ھەرکەس گەشە یان خەمناکە
بێچارەترە لە تۆ ھەزار جار گەردوون
بەس سووچ و ھەڵەت لە سوکری گەردوون ڕاکە
(ماموستا هه ژار )
نیکی و بدی که در نهاد بشر است
شادی و غمی که در قضا و قدر است
با چرخ مکن حواله کاندر ره عقل
چرخ از تو هزار بار بیچاره‌تر است
(خیام)
احمد موختار جاف
ئەحمەد_موختار_جاف
بێتاقەت و مەحزوونە ئەم دڵمە لەبۆ دینت
ڕەحمێ بکە سا قوربان دەرخە ڕوخی ڕەنگینت
شەھد و شەکەر ئەی قوربان بازاڕی شکا یەکجار
لەو وەقتەوە وا دەرکەوت لەعلی لەبی شیرینت
گریەی منی بێچارە شام و سەحەر ئەی دڵبەر
ئەسڵەن نییە تەئسیری لای ئەو دڵی سەنگینت
نەسرین و گوڵ و لالە مەحجووب ئەبن و والە
گەر لابدەی ئەو بورقەع دەرخەی تەنی سیمینت
حوور و پەری و غیلمان بێ قەدرە لەلای [ئەحمەد]
لەو وەقتەوە وا دیویە ڕوخساری نیگارینت
احمد موختار جاف
ئەحمەد_موختار_جاف
دوو چاوم خوێن ئەبارێنێ لە عیشقی ڕوومەتی ئاڵت
گرفتارە لەناو زوڵفت دڵم بۆ دانەیی خاڵت
خوا کەی بێت کە من پەشتانی باڵا و قامەتی تۆ بم
چ وەختێ پڕبەچنگ بگرم دوو لیمۆی نەوڕەسی کاڵت
نەخۆشی خۆشترە لای من لە ساغی و سیححەت ئەی جانا
ئەگەر یەک ھەفتە جارێ بێی بپرسی چۆنە ئەحواڵت
بە شاھیی عالەمی ناگۆڕمەوە ئەمڕۆ لە دنیادا
جنێو و توندی و قەھر و قسەی نالایق و تاڵت
نیگارا لێم ئەپرسی بۆ چی وا دێوانەیە [ئەحمەد]
لە عیشقی چاوی تۆیە چاوەکەم وا بووم بە عەوداڵت
ماموستا "صافی"
دڵ لەبــەر دەردی فیــراقــی یــارە مەیـلی مەی دەکــا
گوێی لە دەنگی ساز و عود و بەزمی نای و نەی دەکــا
ســـەردەمێ مـــەســـت و خومار و خــادمی مەیخانەیە
وەختێ تەسبیحی لە دەستە سۆفییە حەی حەی دەکــا
ڕۆژی وایـــە زۆر بـــە کـــەیــف و پــێکەنـین و خەندەیە
بەعزێ شـەو مەجــنــونە دائــم گــریــە بۆ لەیلی دەکــا
بەعـــزێ جـــاران عـــالم و عـــامیل و عـــابد خۆیەتی
وەقتی جەهل و فیسقی زۆرە عـــالەمێ لۆمەی دەکــا
پێــی دەڵـــێم ئـــەی دڵ وەرە ئـــێرانی یا تورانی بـە
ئەو لە بەینی هەردوو جێگا ڕوو لە دەشتی ڕەی دەکا
دڵ نازانم شـێتە یا ســەر خۆشــە یـــا دێـــوانــەیـــە
یــا الاهی ئیــشی وا عکسی بە من تــا کــەی دەکــا
دوور لە یـارە دڵ لە بـــۆیی بـــێ ئــباتە (صافیــــــا)
تــاکوو لەو ســەگ مەرگەدا بێ ئیختیاری وەی دەکــا
ئاسۆ بوکانی
مامۆستا سعید نجاری (ئاسۆ)
یا رب بوخوت شایه دی جوان له به رخو دانی کـــــورد
عه بدت گـــــله ایی ده کا تا کــــی بورده مانی کـــــورد
بـــــوچی ده ردێ نانـــیری بو دوشـــــمنه کانی کـــــورد
تا که ی به فـــیرو بروات له خه له وخه ر مانی کـــــورد
بو خــــاتری گه وره ایی خوت بنیره ده ر مانی کـــــورد
با چی دی خوینیان نه رژێ له پـــــیرو جه وانی کـــــورد
با گــــــــۆل بژیری نه کن له باغچه و بێس تانی کـــــورد
ره نجیان نه چێ به زایه شـیره هه لـــــــو کانی کـــــورد
به دل ده پــــــــاریموه خــــــــــودای ئاس مانی کــــــورد
ئه ونــدی ده پاریــــــــــزی کــــــــــورانو کچانی کـــــورد
ئه ونـــــده ش ئاگادار به له ئاســــــــــوی بوکانی کـــــورد
چونکه به شـــــیعره کــــانی به یان ده کات ژانی کـــــورد
احمد موختار جاف
ئەحمەد_موختار_جاف
ئیسمی ویجدان و عەداڵەت بێ موسەممایە و درۆ
بۆ سیاسەت ئەم قسە کەوتۆتە سەر لێوانەوە
ڕاستە گەر ئیسمی عەداڵەت بۆ چی منداڵانی کورد
وێڵ و سەرگەردان بسووڕێنۆ بەسەر کێوانەوە
ئەمڕۆ با وا بێ بەڵام ڕۆژێ ئەبێ ئەولادی کورد
دێنەوە مەیدان بە عیلم و سەنعەت و عیرفانەوە
بەچکەشێرانی عەشایر بۆ قڕانی دوشمنان
ھەر وەکوو ڕۆستەم ئەکەونە ھاتوچۆ و جەولانەوە
پاش قڕانی موددەعی دەس پێ ئەکەن تەعمیری موڵک
ڕێگەیی ئاسن ئەچێتە شاخی ھەورامانەوە
کێو و کەژ گشتی ئەبێتە باغ و جادە و قەیسەری
بۆ تەماشای دەستەدەستە دێن لە ئینگلستانەوە
لادە [ئەحمەد] تۆ لە باسی میللەت و سا پێی بڵێ
تاکوو ساقی زوو بدا بادە بەدەم مەستانەوە
پێی بڵێ بەو ساقییە بەو حوسن و ناز و دڵبەری
داغی خۆی ناوە بە جەرگی یۆسفی کەنعانەوە
بێتە جیلوە تا بەیادی پاشەڕۆژی قەومی کورد
زەمزەمە و شادی بخاتە مەجلیسی ڕەندانەوە
ئەم دڵی زامارمە تاوێ لە غەم فاریغ ببێ
بسرەوێ یەکدەم لە ناڵە و شین و قوڕپێوانەوە
ئەمین گەردیگلانی
پاییزە
گوڵەکەم! ماڵی دڵم
هێشتە نەڕووخاوە دەڕۆی
بۆچی بارگەی سەفەرت
تێکەوە پێچاوە دەڕۆێ؟
بۆچی پێت وایە مەکۆی
دێوەزمە و مۆتەکەیە؟
دڵی من زێدی فریشتانە
لە خۆڕاوە دەڕۆی
ڕۆحی سەوزی غەزەلی،
تۆ لە دڵم هەڵدەقوڵێی
وەک هەناسەم لە گەڵم
دای و بە شاراوە دەڕۆی
چاوەڕێی زەردەخەنە و
تامەزرۆی "ئا"یەکتم
کەچی تۆ بێ بەزەیی دێی
و بە "نا،نا"وە دەڕۆی
دڵ، لە سایەی خەم و
فرمێسکەوە ئەشقی ناسی
تۆ دەڵێی بۆ خەمی من
هێشتە نەگریاوە؛ دەڕۆی
فرچکم گرتە بە فرمێسکی
چەمی مەمکی ئەوین
چونکە خەمبارە دڵم، سڵ
دەکەی و واوە دەڕۆی؟
گوڵەکەم! باخی دڵم پڕ
لە گوڵی شیعری تەڕە
سەیرە پێت وایە دڵم
پاییزە لێی داوە، دەڕۆی
ئەمین گەردیگلانی
احمد موختار جاف
ئەحمەد_موختار_جاف
لە شێخ و واعیز و سۆفی لەمەولا من کەنار ئەگرم
پیاڵەی مەی بەیادی دیدەیی مەستی نیگار ئەگرم
لە شەوقی بەژن و باڵای تۆیە ئەی شۆخی پەریپەیکەر
لە باغا جێ لە سایەی عەرعەر و سەرو و چنار ئەگرم
خەیاڵی مەمکەکانی گرد و نەرمت دێتە بیری من
کە وەختێ پڕبەچنگ لیمۆ و بەی و سێو و ھەنار ئەگرم
خوڕەی فرمێسک و نەعرە و فوغانی خۆم لەبەر چاوە
کە شەو من گوێ لە دەنگی نەعرەیی ھەوری بەھار ئەگرم
وتم چاکت ئەسیری حەڵقەیی ئەو پەرچەمە کردم
وتی شێتی بە تای ئەم زوڵفە من شێری شکار ئەگرم
بە قوللابی موژە و حەڵقەی کەمەندی زوڵفی چینچینم
ئەگەر بێ ئارەزووم بێ ڕۆستەم و ئەسفەندیار ئەگرم
ئیشارەی کرد برۆی یەعنی کە بۆ قەتڵی دڵی عاشق
لە پشتی چاوی یارۆ جێگەیی سەد زولفەقار ئەگرم
ماموستا "وەفایی"
وەفایی
ئاگری عیشقت لە ڕۆحم بەربووە سەر تا قەدەم
وەک نەیستان ھەر دەسووتێم مات و خامۆش بێ سەدا
دڵ بەمەحزی ڕوئیەتی زوڵفت بە ڕوودا کەوت و مرد
مرد و نەمزانی نە گەنج خستی نە ماری پێوە دا
چەند بەناز دێی و دەچێ سەرخۆش و شۆخ و شەنگ و مەست
ئەی گوڵی نازدار ئیلاھی بای خەزانت لێ نەدا
ماموستا "کوردی"
کوردی
ڕەنگی گوڵ گیانا وەکوو ڕوخسارەکەت ڕەنگین نییە
شەککەری میسری وەکوو گوفتارەکەت شیرین نییە
ئەھلی چین نەققاشی چاکن خۆ بەڵام تەسویری تۆ
نەقشی خامەی کردگارە کاری وەستای چین نییە
مەنعی من عەمدەن دەکا ئەغیارەکەت یاخۆ کەرە
تالبی پووش و گیا و جۆیای گوڵ و نەسرین نییە
من کە کوشتەی تیغی عەشقم ڕۆژی دیوانی جەزا
بۆ چی شاھید بێنم ئاخر کفنەکەم خوێناوییە
من کە ڕیسوا بووم و تەپڵی عاشقیم لێ دا ئیتر
[کوردی] ئەز پەروام سەر و ئیمان و گیان و دڵ نییە