پاتــــوق تنهـــایی

خـــــــوش اومــــــــدی دوســـــت مـــــــن

پاتــــوق تنهـــایی

خـــــــوش اومــــــــدی دوســـــت مـــــــن

ئەمین گەردیگلانی


پاییزە



گوڵەکەم! ماڵی دڵم

هێشتە نەڕووخاوە دەڕۆی

بۆچی بارگەی سەفەرت

تێکەوە پێچاوە دەڕۆێ؟


بۆچی پێت وایە مەکۆی

دێوەزمە و مۆتەکەیە؟

دڵی من زێدی فریشتانە

لە خۆڕاوە دەڕۆی


ڕۆحی سەوزی غەزەلی،

تۆ لە دڵم هەڵدەقوڵێی

وەک هەناسەم لە گەڵم

دای و بە شاراوە دەڕۆی


چاوەڕێی زەردەخەنە و

تامەزرۆی "ئا"یەکتم

کەچی تۆ بێ بەزەیی دێی

و بە "نا،نا"وە دەڕۆی

دڵ، لە سایەی خەم و

فرمێسکەوە ئەشقی ناسی 

تۆ دەڵێی بۆ خەمی من

هێشتە نەگریاوە؛ دەڕۆی


فرچکم گرتە بە فرمێسکی

چەمی مەمکی ئەوین

چونکە خەمبارە دڵم، سڵ

دەکەی و واوە دەڕۆی؟


گوڵەکەم! باخی دڵم پڕ

لە گوڵی شیعری تەڕە

سەیرە پێت وایە دڵم

پاییزە لێی داوە، دەڕۆی



ئەمین گەردیگلانی

نظرات 0 + ارسال نظر
امکان ثبت نظر جدید برای این مطلب وجود ندارد.