X
تبلیغات
زولا

مەحوی


ئەسیر و سەیدی قەیدی کەید و شەیدی نەفسی ئەممارەم

لە دەست ئەم مارە بەدچارە چییە چارم خودا چارەم


لە حەفتا تێپەڕیم و حەفتەیەک بۆ دین و بۆ دنیا

بە کاری خۆم و کاری کەس نەھاتم وەی چ بێکارەم


سەراپامی بەر ئەشکەنجەی عوقووبەت گرتووە دەوران

لەبەر بێدەستییە وا تێ دەگەن خەڵقی کە بێچارەم


لە جیبمدا ئەگەر یەک پارە شک نابەم چ پەروامە

خودا گەر قابیلی دیبم ھەتا سەر جەیبی سەدپارەم


نە شەیتان و نە دەوران و نە خزمانم بە من ناکەن

ئەوی نەفسی خەسیسم [مەحویا] کردوویە دەربارەم




تاریخ : جمعه 7 آبان 1395 | 18:56 | نویسنده : ghobadi | نظرات (0)
.: Weblog Themes By VatanSkin :.